കേരള പബ്ലിക് സർവീസ് കമ്മീഷൻ (പിഎസ്‌സി) വയനാട് ജില്ലയിലെ ലാസ്റ്റ് ഗ്രേഡ് സെർവന്റ് തസ്തികയുടെ സാധ്യതാ ലിസ്റ്റ് പ്രസിദ്ധീകരിച്ചു. 16.04.2025-നാണ് ഈ അറിയിപ്പ് പുറത്തിറങ്ങിയത്.

02-11-2024-ൽ നടത്തിയ ഒഎംആർ പരീക്ഷയുടെ അടിസ്ഥാനത്തിലാണ് ലിസ്റ്റ് തയ്യാറാക്കിയത്. തിരഞ്ഞെടുക്കപ്പെട്ടവരുടെ രജിസ്റ്റർ നമ്പറുകൾ ലിസ്റ്റിൽ നൽകിയിട്ടുണ്ട്. ഈ ലിസ്റ്റിൽ ഉൾപ്പെട്ടിട്ടുള്ള ഉദ്യോഗാർഥികൾ അസ്സൽ രേഖകളുടെ പരിശോധനയ്ക്കായി ഹാജരാകേണ്ടതുണ്ട്. തീയതി പിന്നീട് അറിയിക്കും.  

• മെയിൻ ലിസ്റ്റിൽ 344 പേരും സപ്ലിമെന്ററി ലിസ്റ്റിൽ 364 പേരുമുണ്ട്.  
• ഭിന്നശേഷി വിഭാഗത്തിൽ 20 പേരെയും ഉൾപ്പെടുത്തിയിട്ടുണ്ട്.  
• ആകെ 728 പേരാണ് പ്രൊബബിലിറ്റി ലിസ്റ്റിൽ ഉൾപ്പെട്ടിരിക്കുന്നത്.  
• മെയിൻ ലിസ്റ്റിലെ അവസാന ഉദ്യോഗാർത്ഥിയുടെ മാർക്ക് 68 ആണ്.  

ഉദ്യോഗാർത്ഥികൾ അസ്സൽ രേഖകളുമായി One Time Verification-ന് ഹാജരാകണം. മറ്റ് പിന്നാക്ക വിഭാഗങ്ങളിൽ നിന്നുള്ള ഉദ്യോഗാർത്ഥികൾ Non Creamy Layer സർട്ടിഫിക്കറ്റും, SC/ST വിഭാഗക്കാർ ജാതി സർട്ടിഫിക്കറ്റും, സാമ്പത്തികമായി പിന്നാക്കം നിൽക്കുന്നവർ EWS സർട്ടിഫിക്കറ്റും ഹാജരാക്കണം.  

ഉത്തരക്കടലാസുകളുടെ പുനർമൂല്യനിർണയം അനുവദിക്കില്ല, എന്നാൽ റാങ്ക് ലിസ്റ്റ് പ്രസിദ്ധീകരിച്ച ശേഷം പുനഃപരിശോധന നടത്താവുന്നതാണ്. പരീക്ഷ എഴുതിയവരുടെ ഉത്തരക്കടലാസുകളുടെ പകർപ്പ് ആവശ്യമെങ്കിൽ, റാങ്ക് ലിസ്റ്റ് പ്രസിദ്ധീകരിച്ച ശേഷം നിശ്ചിത ഫീസ് അടച്ച് വാങ്ങാവുന്നതാണ്.  

know more